काठमाडौं । मलेसियामा जारी आईसीसी यू-१९ महिला टी-२० विश्वकम क्रिकेट प्रतियोगिता अन्तर्गत आज नेपालले आफ्नो दोस्रो खेल खेल्दैछ ।
नेपाली समयअनुसार दिउँसो सवा १२ बजे नेपालले स्कटल्यान्डको सामना गर्नेछ । यसअघि पहिलो खेलमा नेपाल बंगलादेशसँग ५ विकेटले पराजित भएको थियो । पहिलो खेलमा पराजित भए पनि दोस्रो खेलमा जित निकाल्ने लक्ष्यका साथ नेपाल मैदानमा उत्रँदै छ । नेपालले पहिलोपटक यू-१९ महिला विश्वकप खेलिरहेको हो । नेपाल समूह डी मा रहेको छ ।
यो समूहमा नेपालसँगै बंगलादेश, स्कटल्यान्ड र अस्ट्रेलिया छन् । पूजा महतोले नेपाली टोलीको कप्तानी गरिरहेकी छन् । उपकप्तानको भूमिकामा सोनी पाख्रिन रहेकी छन् ।
प्रतिक्रिया