माघ ६ गतेको तपाईँको राशिफल कस्तो छ ?

काठमाडौं । आज बि.सं. २०८१ साल माघ महिनाको ६ गते ।

तदनुसार २०२५ जनवरी १९, नेपाल सम्बत ११४५ । आज सूर्योदय बिहान ६ः५५ बजे हुनेछ भने सूर्यास्त साँझ ५ः३४ बजे हुनेछ । अब सुरु गरौँ ज्योतिष पण्डित हरिप्रसाद भण्डारीले तयार पार्नुभएको आजको राशिफल…

मेष (चु, चे, चो, ला, लि, लु, ले, लो, अ) –
शारीरिक थकान र बेचैनीले मनमा चिन्ता बढ्नेछ । सहयोगी साथिहरु र परिवारका सदस्यहरुले तपाईँको कुरा नबुझिदिँदा दिक्क लाग्नसक्छ । रिस र आवेगमा नियन्त्रण गर्नुनै बुद्धिमता सावित हुनेछ । एकान्तमा बस्न पाउने तथा दुःखसुख साटासाट गरी आत्मिक आनन्दमा रमाउने दिन रहेको छ । तपाईँको हठ र जिद्दिपनाले सम्बन्धमा समस्या देखिनसक्छ ।

बृष (इ, उ, ए, ओ, बा, बि, बु, बे, बो) –
अरुको भरमा पर्दा काममा बाधा र धोका हुने समय छ । विगतका कमजोरी सुधार गरी कुनै काम दोहोर्याउने परिस्थितिसमेत बन्नसक्छ । थोरै भए पनि दिगो लाभ हुने कुनै कामको थालनी हुनसक्छ । बाल्यावस्थाको स्मृतिमा वा पुराना सँगीसाथीको भेटघाटमा केही समय व्यतित हुनेछ ।

मिथुन (का, कि, कु, घ, ङ, छ, के, को, ह) –
सोच्ने शक्ति र निणर्यात्मक क्षमतामा कमी आउनेछ । शरीर स्वस्थ रहेपनि चिन्ता बढ्नेछ । आफन्तको व्यवहार देखेर दिक्क लाग्नसक्छ, तथापि नौला व्यक्तिहरूसँग सम्पर्क बढ्ने र लाभ पाउन सकिने समय छ । परिस्थिति अनुकूल देखिए पनि भौतिक सुविधा बढाउन थप व्ययभार थपिने देखिन्छ ।

कर्कट (हि, हु, हे, हो, डा, डि, डु, डे, डो) –
इष्टमित्र र नातेदारसँग भेटघाट हुनेछ । कार्यक्षेत्रमा खटेबमोजिम लाभ पाउन सकिनेछ । सार्वजनिक क्षेत्र, सेवामूलक काम, ढुवानी र निर्माण सामग्रीका कारोबारीले राम्रो गर्नसक्ने दिन हो । सामाजिक काम वा सँगीसाथिका कारण आफ्नो दैनिक काममा केही बाधा पुग्नसक्छ ।

सिंह (मा, मि, मु, मे, मो, टा, टि, टु, टे) –
बोली र व्यवहारमा नम्रताको प्रयोग गर्नु उचित होला । केही दिनमै घरमा नवीन सुखको आभास हुनेछ । अभिव्यक्ति, कला र मनोरञ्जनसम्बद्ध विषयमा रुचि बढ्नेछ । नचिताएको धन हातमा आइपुग्ने अथवा रोकिएको धनले गति समात्ने समय हो । स्थिर कारोबारका माध्यमबाट ठोस लाभ हुने दिन भएकाले लगानी बढाउन सक्नुहुन्छ ।

कन्या (टो, प, पि, पु, ष, ण, ठ, पे, पो) –
नयाँ कुरा जान्ने उत्सुकता बढ्नेछ । आलस्य नगरी लक्ष्यप्रति उन्मुख भएमा उच्च सफलता हासिल गर्ने दिन हो । खुसी र प्रसन्नताको सीमा हुनेछैन् । विजय र सफलताले जताततै पछ्याउन सक्छ तर, रिसराग, घमण्ड र अहंकारबाट टाढा रहनु ठीक हुन्छ । मिहेनतका बलमा सम्मान र प्रतिष्ठा कमाउन सकिने राम्रो रहेको छ ।

तुला (र, रि, रु, रे, रो, ता, ति, तु, ते) –
खर्चमा अचानक बृद्धि हुने योग छ । जोखिम मोलेर कुनै पनि काम नगुर्नहोला । कारोबारमा पनि लगानी बढाउनुपर्ने परिस्थिति बन्नसक्छ । सुखसुविधाका सामग्रीप्रति आकर्षण बढ्नेछ । आर्थिक पक्ष बाधक बन्ने समय रहेकाले ऋण वा सरसापटी लिनुपर्ने बाध्यता देखिन्छ ।

बृश्चिक (तो, ना, नि, नु, ने, नो, या, यि, यु) –
अर्काको सहयोगको लागि केही समय प्रदान गर्नुपर्ने हुनसक्छ । प्रयास गरेमा अड्किएको वा फसेको धन हात पर्नेछ । स्थिर प्रयोजनमा धन लगानी गर्न सक्नुहुनेछ । पुराना सहकर्मीसँगको भेटले मनलाई ताजा बनाउनेछ । आन्तरिक सम्बन्ध सुदृढ हुने वा एकआपसमा राम्रो समझदारी कायम हुने दिन रहेको छ ।

धनु (ये, यो, भ, भि, भु, ध, फा, ढ, भे) –
चाहेको जिम्मेवारी पाउनुका साथै प्रशंसा र पुरस्कार प्राप्तिको योग रहेको छ । व्यक्तिगत कार्यक्षेत्रमा बोझ बढ्नेछ । जीवनसाथिको चाहनाअनुसार समय निकाल्न सकिदैन । अनावश्यक तनावले मनलाई अस्थिर बनाउनसक्छ । अदभूत क्षमताको उपयोग गरी ठोस उपलब्धि लिन सकिने राम्रो दिन छ । आर्थिक पक्ष र घरायसी वातावरणमा केही उतारचढाव देखा पर्नेछ ।

मकर (भो, ज, जि, खि, खु, खे, खो, गा, गि) –
सञ्चार, विज्ञापन वा मार्केटिङ जस्ता कारोबारमा सफलता मिल्नेछ । अरुका नकारात्मक कुरालाई व्यवास्था गर्दै आफ्नो काममा ध्यान दिनु उचित होला । थोरै मात्र प्रयास गरेमा आम्दानीको मार्ग बढाउन सकिनेछ । ज्ञानको भण्डार पूर्ण हुने वा दार्शनिक भावना जाग्ने समय रहेको छ ।

कुम्भ (गु, गे, गो, सा, सि, सु, से, सो, द) –
परिस्थिति विपक्षमा रहेकाले कुनै पनि नयाँ निणर्य लिनु उचित नहोला । व्यवस्थापन पक्ष र कामदारका बीचमा सन्तुलन कायम राख्ने प्रयास गर्नुहोला । सानातिना काममा अलमलिँदै दिन बित्नसक्छ । आगो र हातहतियारको प्रयोग गर्दा निकै सचेत रहनुहोला । सानो लापरबाहीले पनि भविष्य बिग्रन्छ भन्ने बुझेर अघि बढ्नुहोला ।

मीन (दि, दु, थ, झ, ञ, दे, दो, च, चि) –
आजको केही समय आफन्त र घरपरिवारका लागि छुट्याउनुपर्ने हुन्छ । लामो समयपछि एकान्तमा बस्न पाउने र रमाउने समय छ । आफ्नो कुरा सुनाउने भन्दापनि जीवनसाथिको भावना बुझ्ने प्रयास गर्नुहोला । स्वभावमा क्रुरता र कडापन देखिने छ । परिवारभित्रका वादविवाद, झैझगडा र समस्याहरुमा संयम रहनुहोला ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५