काठमाडौं । मलेसियाका बाङ्गीस्थित वाइएसडी–यूकेएल क्रिकेट ओभलमा जारी यू–१९ महिला विश्वकप क्रिकेटमा बङ्गलादेशसामु नेपालले ५३ रनको झिनो लक्ष्य प्रस्तुत गरेको छ ।
टस हारेर पहिले ब्याटिङको निम्तो पाएको नेपालले १८ दशमलव २ ओभरमा ५२ रन बनाउँदै अलआउट हुन पुग्यो । बङ्गलादेशको कसिलो बलिङमा नेपालको ब्याट चल्न सकेन । नेपालका लागि साना प्रविनले सर्वाधिक १९ रन बनाइन् । सीमाना केसीले १० रनको योगदान गरिन् । अन्य खेलाडीले दोहोरो अङ्कको रन बनाउन सकेनन् ।
बङ्गलादेशका लागि भने जन्नतुल माउआले २ तथा सुमैया अख्तर सुवर्णाले र निशिता अख्तर निशीले १–१ विकेट लिइन् ।
प्रतिक्रिया