काठमाडौं । धनगढीमा जारी प्रधानमन्त्री कप महिला क्रिकेट अन्तर्गत आज भएको खेलमा सुदूरपश्चिमलाई ५९ रनले पराजित गर्दै एपीएफले आफ्नो तेस्रो जित निकालेको छ ।
सुदूरपश्चिमको भने यो पहिलो पराजय हो । एपीएफले दिएको १ सय २७ रनको लक्ष्य पछ्याएको सुदूरपश्चिमले पूरै ओभर खेलेर ६ विकेटको क्षतिमा ६७ रन मात्र बनायो । सुदूरपश्चिमका लागि कविता कुँवरले २९ रन बनाइन् । अन्य खेलाडीले गतिलो प्रदर्शन गर्न सकेनन् । एपीएफका लागि इन्दु बर्मा, कविता जोशीले २–२ तथा सबनम राईले १ विकेट लिइन् ।
यसअघि एपीएफले निर्धारित १८ ओभरमा २ विकेटको क्षतिमा १ सय २६ रन बनाएको थियो ।
प्रतिक्रिया