काठमाडौं । स्वर्णलक्ष्मी सहकारीको बचत अपचलन गरेको मुद्दामा राष्ट्रिय स्वतन्त्र पार्टीका सभापति रवि लामिछानेलाई धरौटीमा रिहा गर्न काठमाडौं जिल्ला अदालतले आदेश दिएको छ ।
थुनछेक बहसपछि न्यायाधीश माधवप्रसाद अधिकारीको इजलासले लामिछानेलाई ६० लाख धरौटीमा रिहा गर्न आदेश दिएको हो । सहकारीको रकम गोर्खा मिडिया नेटवर्क प्रालिमा लगेर अपचलन गरेको आरोपमा रवि लामिछाने गत कात्तिक २ गते केन्द्रीय कार्यालयबाटै पक्राउ परेका थिए ।
सुर्यदर्शन सहकारीको रकम अपचलन गरेको आरोपमा लामो समय कास्की प्रहरीको हिरासतमा रहेको रवि गएको बिहीबार ६५ लाख धरौटीमा रिहा भएका थिए ।
कास्कीबाट रिहा भएलगतै आइतबार काठमाडौं जिल्ला अदालतमा हाजिर भएका रविलाई अदालतले प्रहरीको जिम्मा लगाएको थियो ।
प्रतिक्रिया