काठमाडौं । आईसीसी यू १९ महिला विश्वकप अघिको अभ्यास खेलमा नेपाल दुवै खेलमा पराजित भएको छ ।
बुधबार मलेसियामा अमेरिकासँग नेपालले ५ विकेटको हार ब्यहोरेको हो। यसअघि नेपाल सोमबार भएको पहिलो अभ्यास खेलमा वेस्ट इन्डिजसँग ९ रनले पराजित भएको थियो। बुधबारबार भएको खेलमा टस जितेको अमेरिकाले फिल्डिङ रोजेपछि पहिले ब्याटिङ गरेको नेपालले ९ विकेटको क्षतिमा ५८ रन मात्र जोड्न सक्यो।
नेपालका लागि सना प्रवीनले १२ रन र कप्तान पूजा महतोले १० रन जोड्दा अरु ब्याटरले दोहोरो अंक रन बनाउन सकेनन्। बलिङमा अमेरिकाका ६ ब्याटरले एक एक विकेट लिएका थिए। अमेरिकाले नेपालविरूद्ध नौ बलरलाई बलिङ गरायो। ५९ रनको लक्ष्य अमेरिकाले ५ विकेटको क्षतिमा १४ ओभरमा पूरा गर्यो।
विश्वकपमा नेपाल समूह ‘डी’ मा छ। समूहमा नेपालसँगै अस्ट्रेलिया, बंगलादेश र स्कटल्यान्ड छन्। यो समूहबाट नेपालले कम्तिमा पनि सुपर ६ मा पुग्ने लक्ष्य बनाएको छ।
प्रतिक्रिया