धनगढी । जारी प्रधानमन्त्री कप महिला क्रिकेटमा एपीएफले कर्णाली प्रदेशलाई १ सय ८३ रनको लक्ष्य दिएको छ ।
टस जितेर पहिले ब्याटिङ रोजेको एपीएफले पूरै २० ओभरमा १ विकेटको क्षतिमा १ सय ८२ रन बनाएको हो । खेल धनगढीस्थित फाप्ला क्रिकेट मैदानमा जारी रहेको छ । एपीएफका लागि ममता चौधरीले अर्धशतकीय पारी खेलिन् । ७८ रनमा अविजित रहिन् । त्यसक्रममा उनले १० चौका प्रहार गरिन् ।
इन्दु बर्माले पनि अर्धशतक पारी खेलिन् । उनले ३४ बलमा ७ चौका प्रहार गर्दै ५२ रन बनाइन् ।
ओपनर राजमती ऐरीले २२ रन बनाइन् । कर्णालीका लागि दीक्षा पूरीले १ विकेट लिइन् ।
प्रतिक्रिया