पुष २९ गते सोमबार तपाईँको भाग्य कस्तो छ ?

काठमाडौं । आज बि.सं. २०८१ साल पुष २९ गते सोमबार ।

ई.सं. २०२५ जनवरी १३, नेपाल सम्बत ११४५ । आज नेपालमा सूर्योदय बिहान ६ः५५ बजे हुनेछ भने सूर्यास्त साँझ ५ः२९ बजे हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा शुभ समय बिहान ६ः५५ बजे देखि ८ः१५ बजेसम्म रहेको छ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
धार्मिक र सामाजिक प्रयोजनका काममा चासो बढ्ने समय छ । रमाइला गतिविधिमा आजको दिन व्यतित हुनुका साथै प्रतिभा र सीपको कदर हुनेछ । महत्वपूर्ण कार्य सम्पन्न हुनाले अत्मविश्वास बढ्नेछ । कुनै पुराना समस्या वा कारबाहीमा ध्यान केन्द्रित हुनसक्छ । जीवनसाथिको लागि केही समय छुट्याउनु उपयुक्त होला ।

बृष (इ, उ, ए, ओ, बा, बि, बु, बे, बो) –
स्वास्थ्यस्थितिमा देखिएको समस्या समाधान हनेछ । सोचेभन्दा बढी धन कमाउने चाँजो मिल्नेछ । इज्जत धान्न र आडम्बर देखाउने क्रममा धन खर्च गर्नसमेत मन हौसिने परिस्थिति देखिन्छ । नयाँ परिकार बनाएर खाने र खुवाउने बिषयमा मन केन्द्रित हुनसक्छ । दिदीबहिनी वा माइतिपक्षसँगको सम्बन्ध सुमधुर रहला ।

मिथुन (का, कि, कु, घ, ङ, छ, के, को, ह) –
क्षमता प्रदर्शन गरी आफूलाई सर्वश्रेष्ठ सावित गर्ने दिन हो । नौलो बिषयको जानकारी लिएर प्राज्ञिक क्षमतालाई तिखार्ने अवसर मिल्नेछ । निर्णय क्षमतामा बढोत्तरी हुनुका साथै कार्यक्षेत्रमा सहजता आउने देखिन्छ । आफूलाई उर्जावान र जीवन्त महसुस गरिनेछ । व्यक्तित्व निर्माणका साथसाथै शारीरिक सुगठन र रुप संरचनातर्फ ध्यान केन्द्रित हुनसक्छ ।

कर्कट (हि, हु, हे, हो, डा, डि, डु, डे, डो) –
एकअर्काको कमजोरी खोतल्ने बानिले प्रेम सम्बन्धमा असर पुर्याउनसक्छ । मनमा ठाउँ परिवर्तन गर्ने वा कार्यक्षेत्र बदल्ने सोच पलाउनसक्छ । तरल पदार्थको कारोबार, खाद्य पदार्थ, सौन्दर्य प्रसाधनका वस्तुहरु र फलफुल÷तरकारीको व्यवसायमा विशेष लाभ हुनेछ ।

सिंह (मा, मि, मु, मे, मो, टा, टि, टु, टे) –
कमीकमजोरी र असफलताहरु पन्छाउँदै क्षमताअनुरुप परिश्रम गर्नुपर्ने दिन छ । लक्ष्यप्रति केन्द्रित भएर लागेमा ठूलो सफलता पाउन सकिनेछ । परिवारजनको आवश्यकताका निमित्त केही समय खट्नुपर्ने हुनसक्छ । राज्यपक्ष वा प्रशासनिक कामका साथै प्रतिष्ठा जोडिएको काममा सफलता मिल्नेछ ।

कन्या (टो, प, पि, पु, ष, ण, ठ, पे, पो) –
कुनै नयाँ बिषयवस्तु वा प्राविधिक ज्ञान हासिल गर्ने रुचि बढ्नेछ । कर्तव्यप्रति सचेत हुने तथा जिम्मेवारी बोध हुनेछ । सरकारी कामका माध्यमबाट लाभ लिन सकिने छ । समाजसेवा वा राजनीति नै कार्यक्षेत्र हो भने मानसम्मान पाउन सकिनेछ । व्यक्तित्व विकासको योजना बनाउने र पदोन्नति वा थप अध्ययनका लागि प्रयास गर्ने दिन हो ।

तुला (र, रि, रु, रे, रो, ता, ति, तु, ते) –
आफ्नो भित्री कमिकमजोरीलाई पन्छाएर अघि बढ्दा सफलता मिल्नेछ । गोपनीय बिषयवस्तु वा मानसिक उल्झनले तनाव बढ्न सक्ने छ । असम्भव आशाका पछि लाग्ने हुँदा उल्टै नोक्सानी हुनेछ । कालीगढी, मरमतसम्भार, काठपात, प्लास्टिक र रबरसम्बन्धी कारोबारमा निकै राम्रो हुने दखिन्छ । सार्वजनिक हित वा परोपकारी काममा खट्नुपर्ने समय छ ।

बृश्चिक (तो, ना, नि, नु, ने, नो, या, यि, यु) –
भावनात्मक कुराले मनमा चिन्ता बढाउन सक्छ । अप्ठ्यारो र झञ्झटिलो मार्गमा अघि बढ्ने समय छ । गोपनीयता बाहिरिने वा प्रशासनिक समस्या उत्पन्न हुनसक्छ । कुनै कुरालाई लिएर वैचारिक मतभेद हुनसक्छ । आफूलाई चित्त नबुझेको कुरामा आफ्नो मत राख्नु उचित होला ।

धनु (ये, यो, भ, भि, भु, ध, फा, ढ, भे) –
व्यवस्तता बढ्नुका साथै सहकर्मीको साथ पाउनाले दिन सजिलै बित्नेछ । मनोरञ्जन, रामरमाइलो, घुमघाम र भेटघाटको समय रहेको छ । आफ्ना कुरा थोपर्नु भन्दा पनि अरुको भावनालाई बुझ्नु उचित होला । घरपरिवारको खुसीका लागि समय व्यवस्थापन गर्नु उचित होला ।

मकर (भो, ज, जि, खि, खु, खे, खो, गा, गि) –
थोरै लाभका लागि समेत धेरै मिहेनत गर्नुपर्ने परिस्थिति बन्न सक्छ । इलेक्ट्रिकल, सञ्चार र धातुका कारोबारीको व्यवसाय उत्तम रहनेछ । कटुशब्दको प्रयोग र अर्काको आलोचना गर्ने बानी छ भने मुखमा लगाम लगाउनु उचित होला । अन्यथा कलह र झैझगडामा संलग्न हुनुपर्ने परिस्थिति बन्नसक्छ ।

कुम्भ (गु, गे, गो, सा, सि, सु, से, सो, द) –
नयाँ कारोबारप्रतिको आकर्षण बढ्ने देखिन्छ । परिस्थिति आफ्नो पक्षमा नरहे पनि बुद्धिको प्रयोग गरी लक्ष्यमा पुग्न सकिने छ । पारिवारिक वातावरण सुखमय रहनुका साथै पतिपत्नीका बीचमा राम्रो समझदारी कायम हुनेछ । छोराछोरीको खुसीका निमित्त केही काम लुकाएर गर्नुपर्ने हुन्छ । लगनशीलता र परिश्रमको प्रतिफल पाउने उपयुक्त समय हो ।

मीन (दि, दु, थ, झ, ञ, दे, दो, च, चि) –
आफुभन्दा माथिल्लो कर्मचारिको आदेशलाई बेवास्ता गर्नु उचित नहोला । धरायसी बिषय वा प्रेमसम्बन्धको तनावले कार्यक्षेत्रमा प्रभाव पार्नसक्छ । परिबन्द र बाध्यतामा खुम्चिकु पर्दा मन निरस बन्नसक्छ । जीवनसाथिको इच्छाअनुसार समय निकाल्न कठिन हुनेछ । घरपरिवारमा कुनै स्वास्थ्यगत समस्या देखा पर्नसक्छने देखिन्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५