पुष २६ गते शुक्रबारको तपाईँको राशिफल

काठमाडौं । आज बि.सं. २०८१ साल पुष २६ गते शुक्रबार ।

ई.सं. २०२५ जनवरी १०, नेपाल सम्बत ११४५ । आज नेपालमा सूर्योदय बिहान ६ः५५ बजे हुनेछ भने सूर्यास्त साँझ ५ः२७ बजे हुनेछ । आज कुनै महत्वपूर्ण कामको शुरुवात वा शुभ यात्रामा निस्कदा शुभ समय बिहान ६ः५५ बजे देखि ८ः१४ बजेसम्म हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
जीवनसाथिको इच्छा र भावना बुझ्न सके प्रेम सम्बन्ध प्रगाढ हुनेछ । व्यक्तित्वमा निखारमा आउनुका साथै आत्मविश्वास बढ्नेछ । व्यवस्थापकीय कमी कमजोरी हटाउन प्रयास गर्दा सफलता मिल्नेछ । कुनै नयाँ कामको थालनी गर्दै हुनुहुन्छ भने आजको दिन शुभ रहेको छ ।

बृष (इ, उ, ए, ओ, बा, बि, बु, बे, बो) –
सुरक्षा सतर्कतालाई ध्यान नदिँदा धनमाल चोरीको सम्भावना रहेको छ । कुनै कुरामा लापरबाही गर्दा भविष्यमा पछुतो मान्ने परिस्थिति बन्नसक्छ । एकाग्रतामा कमी हुने भएकाले कुनै एउटा बिषयमा मात्र ध्यान केन्द्रित गर्न सकिदैन । नकारात्मक कुराहरुले गर्दा मन र मस्तिष्क बहकिन सक्छ ध्यान दिनुहोला ।

मिथुन (का, कि, कु, घ, ङ, छ, के, को, ह) –
कुनै नयाँ कामको थालनी गर्ने सोचमा हुनुहुन्छ भने आजको दिन उपयुक्त होला । बोनस वा अतिरिक्त आम्दानी हातलाग्न सक्छ । सरकारी कामकाज वा प्रशासनिक समस्या देखिएका छन् भने कागजपत्र मिलाउन उपयुक्त समय छ । एकअर्काको भावना बुझेर चल्न नसक्दा प्रेम सम्बन्धमा खटपट हुनसक्छ । कामका साथिभाई र सहयोगीको दरिलो साथ पाउने देखिन्छ ।

कर्कट (हि, हु, हे, हो, डा, डि, डु, डे, डो) –
व्यवस्थापन पक्ष र सहयोगी कामदारसँगको तालमेल कायम राख्न सफल भइनेछ । नयाँ प्रविधिको प्रयोग गरेमा उत्पादनमा बृद्धि हुनसक्छ । आपसी सम्बन्धमा मिठास थपिनेछ । कुनै नयाँ बिषयवस्तु वा प्राविधिक ज्ञानमा रुचि बढ्ने देखिन्छ । परिश्रम गर्ने छात्रछात्राले उत्कृष्ट परिणाम प्राप्त गर्नेछन् ।

सिंह (मा, मि, मु, मे, मो, टा, टि, टु, टे) –
नयाँ काममा हात हाल्दै हुनुहुन्छ भने यसले सकारात्मक गति समात्नेछ । लामो समयदेखि अड्किएर बसेका कामहरुमा सफलता मिल्नेछ । पारिवारिक बाध्यता वा कुनै सामाजिक व्यस्तताका कारण बेफुर्सदिलो भइने समय छ । अचानक मनमिल्ने मान्छेसँग भेटघाट हुँदा मन फुरुङ्ग बन्नेछ ।

कन्या (टो, प, पि, पु, ष, ण, ठ, पे, पो) –
विगतमा गरिएको कमजोरीले तनाव बढ्ने देखिन्छ । पारिवार र साथिभाइप्रतिको तपाईँको भावनाले चिन्ता बढाउनेछ । स्वभावमा देखिएको परिवर्तनले कसैसँग नोकझोक र किचलोसमेत हुनसक्छ । साथिभाइसँगको मनमुटावका कारण मन उदास बन्न सक्छ । महत्वकाँक्षामा अंकुश लागाउन नसके ठुलो झमेला फस्न सकिनेछ ।

तुला (र, रि, रु, रे, रो, ता, ति, तु, ते) –
कामधन्दा र व्यवहारमा सफलताको अनुभूति हुनेछ । कला, साहित्य र अभिनयका क्षेत्रमा रुचि बढ्ने देखिन्छ । बाह्य बिषयवस्तुमा भन्दा पनि निर्धारित पाठ्यक्रममा ध्यानकेन्द्रित गर्नुपर्ने समय छ । नयाँ मित्रता र सम्बन्धका बारेमा मन उत्सुक रहने छ । आत्मीय मित्रको दरिलो साथ पाउनाले चिताएको काममा सफलता मिल्नेछ ।

बृश्चिक (तो, ना, नि, नु, ने, नो, या, यि, यु) –
नयाँ साथिभाइसँग भेटघाट र मिलनको योग छ । मानसिक उल्झन र चिडचिडेपन बढ्न सक्छ । पेसागत र व्यवसायिक परिस्थिति सामान्य रहनेछ । स्वास्थ्य समस्याले चिन्ता बढ्न सक्नेछ । थोरै लाभका लागि धेरै मिहेनत गर्नुपर्ने परिस्थिति देखिन्छ । इलेक्ट्रिकल, सञ्चार, र धातुको कारोबारमा सफलता मिल्नेछ ।

धनु (ये, यो, भ, भि, भु, ध, फा, ढ, भे) –
कला र साहित्यका क्षेत्रमा रुचि बढ्नेछ । आन्तरिक प्रतिभाको प्रदर्शक गरी प्रशंसा बटुल्न सकिने छ । नयाँ कारोबारप्रतिको आकर्षण बढ्नेछ । परिस्थिति आफ्नो पक्षमा छैन्, यद्यपी बुद्धि र विवेकको प्रयोग गर्दा लक्ष्य हाँसिल गर्न सहज हुनेछ । पारिवारिक वातावरण सुखमय रहनुका साथै पतिपत्नीका बीचमा राम्रो समझादारी कायम हुनेछ ।

मकर (भो, ज, जि, खि, खु, खे, खो, गा, गि) –
घरपरिवारको बाध्यात्मक काममा अलमलिने परिस्थिति बन्न सक्छ । उच्च शिक्षाका विद्यार्थी एवं वैदेशिक प्रयोजनको अध्ययन गर्नेले राम्रो परिणाम हात पर्नेछन् । मानसिक अस्थिरताले काममा ढीलासुस्ती हुनसक्छ । सानो लापरबाहीले पनि ठूलो नोक्सानी हुनसक्ने भएकाले सचेत रहनुहोला । नैराश्यता वा एकोहोरोपन बढ्नाले काममा मन नजानसक्ने देखिन्छ ।

कुम्भ (गु, गे, गो, सा, सि, सु, से, सो, द) –
दार्शनिकता र चिन्तन प्रति झुकाव बढ्नेछ । समसामयिक बिषयमा गम्भिर भएर जानकारी बटुल्नु उपयुक्त होला । व्यक्तित्व विकास र करियर निर्माणको सही समय भएकाले उचित कार्ययोजनाका साथ अघि बढ्नु उचित होला । सहकर्मीको काममा अलमलिँदा आफ्नो नियमित काममा बाधा पुग्नेछ ।

मीन (दि, दु, थ, झ, ञ, दे, दो, च, चि) –
आम्दानीको मार्ग बढ्ने तथा अप्रत्यासित धन लाभको योग रहेको छ । शंकास्पद कारोबार वा गलत तरिकाले धनार्जन सोच पलाउनसक्छ । आफुलाई अप्ठा्यारोमा पार्ने काममा हात नहाल्नु उपयुक्त होला । शारिरीक स्फूर्ती बढ्नुका साथै नयाँ परिकार बनाएर खाने र खवाउने बिषयमा मन केन्द्रित हुनसक्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद