एजेन्सी । बार्सिलोना स्पेनिस सुपर कपको फाइनलमा प्रवेश गरेको छ ।
बिहीबार बिहान भएको खेलमा एथ्लेटिको क्लब बिल्बाओलाई २-० गोल अन्तरले पराजित गर्दै बार्सिलोना फाइनलमा प्रवेश गरेको हो । सुपर कपको फाइनल यात्रा तय गर्नको लागि बार्सिलोनाको लागि यमल र गाभिले गोल गरे । खेलको १७ औँ मिनेटमा गाभिले गोल गर्दै बार्सिनोलानाई १-० को अग्रता दिलाएका थिए ।
पहिलो हाफमा १-० को अग्रतामा रहेको बार्साले दोस्रो हाफको ५७ औँ मिनेटमा यमल मार्फत गोल गर्दै फाइनल प्रवेश गरेको छ । अब बार्सिलोनाले मोलोर्का र रियल मेड्रीडबीच हुने सेमिफाइनल विजेतासँग फाइनल भिडन्त गर्नेछ ।
प्रतिक्रिया