पुष २५ गते बिहीबारको तपाईँको राशिफल

काठमाडौं । आज बि.सं. २०८१ पुष २५ गते बिहीबार । ई.सं. २०२५ जनवरी ९, नेपाल सम्बत ११४५ ।

आज नेपालमा सूर्योदय बिहान ६ः५५ बजे हुनेछ भने सूर्यास्त साँझ ५ः२६ बजे हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा शुभ समय बिहान ६ः५५ बजे देखि ८ः१४ बजेसम्म रहेको छ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
नयाँ कामको प्रारम्भ गर्नका लागि उपयुक्त समय छ । नयाँ कुरा जान्ने उत्सुकता जाग्नेछ । आफ्नो लक्ष्यप्रति उन्मुख भएमा उच्च सफलता हात पर्ने योग छ । महत्वकाँक्षी प्रयासहरुमा जोड दिन फलदायी सावित हुनसक्छ । नयाँ ठाउँ घुम्न जाने अवसर प्राप्त हुने देखिन्छ ।

बृष (इ, उ, ए, ओ, बा, बि, बु, बे, बो) –
मनमा चिन्ता बढ्नसक्ने भएकाले केही समय आफ्नोलागि छुट्याउनु उचित होला । काममा हेलचक्र्याइँ गर्दा नोक्सानी व्यहोर्नुपर्ने हुनसक्छ । जीवनसाथिको विश्वास जित्नसके प्रेम सफल बन्नेछ । आत्मविश्वासमा कमी आउने भएकाले संयमता र हिम्मतको खाँचो हुनेछ । जुवा वा सट्टाबाजीमा धन लगानी गर्नु हानिकारक सावित हुनसक्छ ।

मिथुन (का, कि, कु, घ, ङ, छ, के, को, ह) –
कारोबारमा फड्को मार्न सक्ने योग छ । रोकिएका काम बन्नुका साथै दायित्व र जिम्मेवारी समेत बढ्नेछ । परदेशमा रहेका आफन्तजन वा विछोडिएका पुराना साथिसँग पूनर्मिलन हुने योग छ । लक्ष्य प्राप्तिका निमित्त थप परिश्रम आवश्यक पर्ने देखिन्छ । विदेश जाने सोच्नुभएको छ भने योजना बनाउँदा शुभ हुनेछ ।

कर्कट (हि, हु, हे, हो, डा, डि, डु, डे, डो) –
प्रतियोगिता वा प्रतिष्पर्धामा सफलता मिल्नेछ । आफुभन्दा उच्च ओहोदाको व्यक्तिबाट सद्भाव र सहानुभूति प्राप्त हुनाले महत्वकाँक्षी काम सुरु गर्न सकिन्छ । कार्यसम्पादनमा निखार आउनाले थप अवसर मिल्नसक्छ । परिबन्द र बाध्यतामा अलमलिनुपर्ने समय छ, तरपनि आपसी समन्वय र तालमेल कायम रहने देखिन्छ ।

सिंह (मा, मि, मु, मे, मो, टा, टि, टु, टे) –
सामाजिक संस्थामा कार्यरत हुनुहुन्छ भने विशेष सफलता मिल्ने देखिन्छ । आफुभन्दा माथिल्लो तहको कर्मचारिबाट प्रशंसा सुन्न पाइने छ । सार्वजनिक सम्बन्ध र नेटवर्किङका माध्यमबाट आयस्रोतमा बढोत्तरी हुनेछ । धार्मिक र सामाजिक काममा खट्नुपर्ने भएकाले घरायसी कामको बोझ थपिनेछ ।

कन्या (टो, प, पि, पु, ष, ण, ठ, पे, पो) –
सुस्वास्थ्य र आरामका लागि समय छुट्याउनु तथा पौष्टिक आहारमा ध्यान दिनु ठीक होला । मनोरञ्जनमा केन्द्रित भइदिनाले पढाइ बिथोलिन सक्छ । आजको सानो लापरबाहीले भविष्यका लागि चुनौती थपिने छ । साझेदारीमा कुनै नयाँ कामको सुरुवात गर्दै हुनुहुन्छ वा कसैसँग केही सम्झौता गर्ने सोचमा हुनुहुन्छ भने आज नगरेको राम्रो ।

तुला (र, रि, रु, रे, रो, ता, ति, तु, ते) –
आँटेको काम समयमै सम्पन्न हुनाले मन हलुका र आनन्दित बन्नेछ । पदप्रतिष्ठामा अभिबृद्धि हुनुका साथै सम्मान समेत मिल्नेछ । जीवनसाथिसँग कुनै समारोहमा सरिक हुने अवसर मिल्नसक्छ । भाइपरे आउने काममा खर्च बढ्ने देखिन्छ । स्वार्थ पूरा गर्न जोखिम मोल्ने काम नगर्नुहोला, अन्यथा झञ्झटमा पर्न सकिन्छ ।

बृश्चिक (तो, ना, नि, नु, ने, नो, या, यि, यु) –
पारिवारिक वातावरण शान्तिपूर्ण देखिन्छ । जीवनसाथिको भावनाको कदर गर्नु उचित होला । विवाद, प्रतियोगिता वा प्रतिष्पर्धामा सरिक हुँदा चुनौति बढ्ने समय छ । अनावश्यक काममा समय व्यतित हुने भएकाले विशेष ध्यान दिनुहोला । घरायसी काममा समेत साथिभाइको सहयोग पाउन सकिनेछ । क्षमता प्रदर्शन गरी प्रतिष्ठा आर्जन गर्न सकिनेछ ।

धनु (ये, यो, भ, भि, भु, ध, फा, ढ, भे) –
अनुभव वा ज्ञानको कमीलाई हटाउन सकिने छ । आर्थिक सफलताको शुभ समाचार प्राप्त हुनसक्छ । केही समय घरपरिवार र सन्ततिको जिम्मेवारीमा बित्नसक्छ । कुनै नयाँ सम्झौता वा कारार गर्नलाई अनुकुल समय रहेको छ । गोपनीयता कायम राखि काम गर्नसके कार्यक्षेत्रमा प्रशंसा बटुल्न सकिने छ ।

मकर (भो, ज, जि, खि, खु, खे, खो, गा, गि) –
वौवाहीक र प्रेम सम्बन्धमा केही असहजता वा बाधा आइलाग्ने देखिन्छ । घरपरिवारको साथ पाउनाले मन प्रसन्न हुनेछ । साथिभाइको क्रियाकलाप र व्यवहार देखेर चिन्ता बढ्नसक्छ । सहकार्य वा साझेदारीको काममा दौडधुप गर्नुपर्ने समय हो । कारोबारमा ध्यान केन्द्रीत नभएपनि आर्थिक सन्तुलन भने कायम रहनेछ ।

कुम्भ (गु, गे, गो, सा, सि, सु, से, सो, द) –
आफ्नो रुचि अनुसारको काम गर्न पाउँदा मन प्रसन्न हुनेछ । संगीसाथिसँग रमाउन खोज्दा आपसी ममन्वय बिग्रन सक्छ । मनमस्तिष्क धर्म, अध्यात्म र परोपकारप्रति केन्द्रित हुनसक्छ । सहयोगी र साझेदारहरुसँग राम्रो सम्बन्ध कायम हुनेछ । बिजुलीका उपकरण, खेलकुद सामग्री र फलामसम्बद्ध निर्माणको कामबाट फाइदा मिल्नेछ ।

मीन (दि, दु, थ, झ, ञ, दे, दो, च, चि) –
अभिव्यक्ति, कला र मनोरञ्जनात्मक बिषयमा रुचि जाग्ने समय हो । मानसम्मान, इज्जत र प्रतिष्ठा बढ्ने दिन हो । भौतिक सुख र आनन्दको चिन्ताले सताउन सक्छ । गरेको कामको सर्वत्र प्रशंसा हुनेछ । कुनै विशेष उपहार प्राप्त हुनसक्ने सम्भावना समेत रहेको छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद