पुष २३ गते मंगलबार तपाईँको दिन कस्तो छ ?

काठमाडौं । आज बि.सं. २०८१ साल पुष २३ गते मंगलबार ।

ई.सं. २०२५ जनवरी ७ नेपाल सम्बत ११४५ । आज नेपालमा सूर्योदय बिहान ६ बजेर ५५ मिनेटमा हुनेछ भने सूर्यास्त साँझ ५ बजेर २४ मिनेटमा हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा शुभ समय बिहान ८ बजेर १४ मिनेट देखि ९ बजेर ३२ मिनेट सम्म रहेको छ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
आर्थिक कारोबार गर्दा झट्ट अर्काको विश्वास नगर्नुहोला । अन्यथा आकस्मिक रुपमा नोक्सानी व्यहोर्नुपर्ने हुनसक्छ । मालसामान हराउन सक्न राखनधरनमा ध्यान पुर्याउन होला । अझ, घरमा नयाँ र नौली व्यक्तिको उपस्थिति छ भने सतर्कता अपनाउनुहोला । पठनपाठनमा बाधा वा अवरोध हुनसक्ने देखिन्छ । सोचको काम नबन्दा दिकदारी र चिडचिडेपनि हाबी हनुसक्छ ।

बृष (इ, उ, ए, ओ, बा, बि, बु, बे, बो) –
कुनै नयाँ योजना बनाउनुभएको छ भने कार्यान्वयन गर्दा सफलता मिल्नेछ । दीर्घकालिन व्यापार व्यवसाय गर्दा प्रशासनिक तौरतरिका बुझ्नु उपयुक्त होला । विवेक र सुझबुझको प्रयोग गरेमा रोकिएको कामले निकास पाउनेछ । आपसी समन्वय र आन्तरिक सुख बढ्ने योग छ । जीवनसाथिसँग सानोतिनो यात्राको कार्यक्रम बन्नसक्छ ।

मिथुन (का, कि, कु, घ, ङ, छ, के, को, ह) –
काम विशेषले कतै टाढा जानुपर्ने परिस्थिति आउन सक्छ । मन मिल्ने साथीको स्वास्थ्य समस्याले चिन्ता बढाउन सक्छ । थप मिहेनत गर्ने हौसला प्राप्त हुनेछ । कुनै नयाँ कामको थानली गर्ने हो भने सहकर्मीको सल्लाह लिएमा सफल भइनेछ । पारिवारिक जीवन सुखमय देखिन्छ । कमकाजी महिलाले आफ्नो कार्यक्षेत्रमा राम्रो सफलता हात पार्ने देखिन्छ ।

कर्कट (हि, हु, हे, हो, डा, डि, डु, डे, डो) –
मानसिक रुपमा सबल र परिपक्व बन्ने देखिन्छ । भाग्य बलियो साथ दिने समय छ । आफ्नो प्रभावलाई अझ बलियो बनाउन आफ्ना प्रियजन र सहकर्मीहरुलाई प्रोत्साहन गर्नुपर्ने देखिन्छ । आफ्नो क्षमता प्रदर्शन गरि अरुमाथि छाप छोड्ने समय हो । पठनपाठनका क्रममा सहपाठी र शिक्षकहरुबाट सहयोग जुटाउन सकिने योग छ ।

सिंह (मा, मि, मु, मे, मो, टा, टि, टु, टे) –
जीवनसाथिको चासो र चिन्तामा मात्रै केन्द्रित नहुनुहोला । केही समय आफ्नो मनको खुसी र सुस्वाथ्यका निम्ति छुट्याउनु उपयुक्त होला । भाग्य बलियो देखिन्छ, तथापी भाग्यमा भन्दा आफ्नै बुद्धि र श्रममा भरपर्दा नचिताएको सफलता मिल्न सक्छ । अचानक धनलाभको योग रहेको छ । अप्ठ्यारो धन उकास्नु छ वा कुनै लगानी उठाउनु छ भने प्रयास गर्दा सफलता मिल्न सक्छ ।

कन्या (टो, प, पि, पु, ष, ण, ठ, पे, पो) –
दुविधा वा दोधारको अवस्थामा निणर्य नलिनु बेस हुनेछ । प्रविधिको प्रयोग गरेर वा अनलाइन गतिविधिमार्फत अतिरिक्त लाभ हुनसक्छ । ढुवानी र आयात निर्यातको काममा हात हाल्दा विशेष ध्यान दिनुहोला । परिवारिक सुख मिल्नेछ । बैवाहिक सम्बन्धका सुमधुर पलहरुको स्मृतिले मन भावुक बन्नसक्ने देखिन्छ ।

तुला (र, रि, रु, रे, रो, ता, ति, तु, ते) –
लोकप्रियता बढ्नेछ । साझेदारी व्यवसायबाट लाभ उठान सकिनेछ । अधिकार प्राप्ति तथा भविष्यको चिन्ताले मन बिचलिन बनाउन सक्छ । हाकिम वा सेवाग्राहीको रिसको चक्रमा पर्न सकिन्छ । समस्या देखिएमा कलह वा विवादलाई होइन बुद्धिकौशलको उपयोग गरी मिलनसार बन्नु नै उचित होला । बेकारको तर्कबितर्कमा दिन बित्ने परिस्थिति श्रृजना हुन सक्छ ।

बृश्चिक (तो, ना, नि, नु, ने, नो, या, यि, यु) –
छापाखाना, कन्सल्टेन्सी, कपडा र गरगहना जस्ता कारोबारबाट लाभ लिन सकिनेछ । पारिवारिक सुख पाउनुका साथै मान्यजनको आर्शिवाद मिल्नेछ । छोराछोरीबाट सन्तोष प्राप्त हुनुका साथै दाम्पत्य जीवन पनि सुखमय देखिन्छ । विज्ञान प्रविधिको कुनै क्षेत्रमा वा अनुसन्धान गर्ने छात्रछात्राहरुका लागि आजको दिन फलदायी सावित हुनसक्छ ।

धनु (ये, यो, भ, भि, भु, ध, फा, ढ, भे) –
पारिवारिक तनावका कारण पढाइ विचलित हुनसक्छ । अध्ययनका साथसाथ व्यवहारिक कामको सन्तुलन कायम राख्नु आवश्यक छ । कार्यक्षेत्र र पारिवारिक समस्यालाई सन्तुलनमा राख्न नसक्दा मन आतिन सक्छ । नकारात्मक बिचारहरु हाबि हुने हँदा सक्भर आफुलाई कुनै न कुनै तवरबाट व्यवस्त राख्ने प्रयास गर्नुहोला । वैदेशिक प्रयोजनको कामका हात हाल्दा सफलता मिल्नेछ ।

मकर (भो, ज, जि, खि, खु, खे, खो, गा, गि) –
काममा सफलता मिल्नेछ । बढुवा हुनुका साथै थप जिम्मेवारी पनि प्राप्त हुने योग छ । सामाजिक क्रियाकलापमा सरिक हुने अवसर मिल्न सक्छ । समय व्यवस्थापन गर्न नसक्दा प्रेम सम्बन्धमा मतभेद हुनसक्छ । आम्दानीको अवसरमा बृद्धि हुनुका साथै पारिवारिक सौहार्दता रहने देखिन्छ ।

कुम्भ (गु, गे, गो, सा, सि, सु, से, सो, द) –
बोलेकै भरमा महत्वपूर्ण काम बन्नसक्ने देखिन्छ । उच्च ओहोदाको कर्मचारीलाई खुसी पारेर आफ्नो स्वार्थ पूरा गर्न सकिन्छ । नजिकको साथिबाट केही विशेष उपहार प्राप्त हुनसक्छ । आर्थिक कारोबार गर्दा ध्यान दिनुहोला । कुम्भ राशि हुनेहरुका लागि आजको दिन नयाँ कारोबार वा व्यवसाय फाप्दैन । कुनै करार वा सम्झौता गर्दा राम्ररी पढ्नुहोला । अन्यथा झमेलामा फस्न सक्ने देखिन्छ ।

मीन (दि, दु, थ, झ, ञ, दे, दो, च, चि) –
कामको चापबाट केही फुर्सद पाइने छ । जीवनसाथिसँग कुनै सानोतिनो यात्रामा निस्कने योग छ । प्रयास गर्दा सफलता मिल्नेछ । मनमा उत्साह र शरीरमा स्फूर्ति बढ्नेछ । व्यक्तित्व र कार्यशैलीको सबैले प्रशंसा गर्नेछन् । खुट्टा तान्ने र कुरा काट्नेहरु आफै पाखा लाग्नेछन् ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद