काठमाडौं । आजबाट सुरु भएको जय ट्रफी पुरुष एलिट कप बहुदिवसीय क्रिकेटमा नेपाल पुलिस क्लबविरुद्ध त्रिभुवन आर्मी क्लब १ सय २१ रनमा अलआउट भएको छ ।
पर्सामा टस हारेर पहिला ब्याटिङ गरेको आर्मी ३४ ओभर ४ बलमा १ सय २१ रनमा समेटिएको हो । आर्मीलाई सस्तोमा समेट्न पुलिसका ललित राजवंशीले धारिलो बलिङ गरेका थिए । १४ ओभर ४ बल बलिङ गरेका ललितले ४७ रन खर्चेर ७ विकेट लिएका थिए , यस्तै कुशल भुर्तेल, श्रवण यादव र रसिद खानले एक एक विकेट लिएका थिए ।
आर्मीका कुशल मल्लले सर्वाधिक २५ रन जोडे । भीम सार्की २२, कप्तान विनोद भण्डारी २१, पवन कार्की १५, बसिर अहमद १२ र शाहव आलमले ११ रन बनाए ।
प्रतिक्रिया