काठमाडौं । हाल देशमा पश्चिमी वायुको सामान्य प्रभाव रहेको छ ।
गण्डकी प्रदेश, कर्णाली प्रदेश र सुदूरपश्चिम प्रदेशको पहाडी तथा हिमाली भू–भागमा आंशिक देखि साधारणतया बदली तथा बाँकी भू–भागमा मौसम मुख्यतया सफा रहेको छ। आज दिउँसो देशभर मौसम मुख्यतया सफा रहेको छ । राती बागमती प्रदेश, गण्डकी प्रदेश र कर्णाली प्रदेशको पहाडी भू–भागमा आंशिक बदली तथा बाँकी भू–भागमा आंशिक बदली देखि मौसम मुख्यतया सफा रहने छ ।
हिमाली क्षेत्रहरुमा छिटफुट हिउँ पर्ने सम्भावना रहेपनि पानि पर्ने सम्भावना भने नरहेको विभागले जनाएको छ । बिहानको समयमा तराई तथा उपत्यकाका धेरै स्थानहरूमा हुस्सु र कुहिरोको सम्भावना रहेकोले दैनिक जनजीवन,स्वास्थ्य,यातायात तथा हवाई उडानमा असर पर्न सक्ने हुनाले आवश्यक सतर्कता अपनाउनु हुन जल तथा मौसम विज्ञान विभागले अनुरोध गरेको छ ।
विभागका तराईका जिल्लाहरुमा बाक्लो हुस्सुसँगै चिसो अत्याधिक बढ्न सक्ने भएकाले सचेत भएर बस्न, तातो कपडा लगाउन, अनावश्यक घरबाहिर नहिड्न समेत आग्रह गरेको छ ।
प्रतिक्रिया