भोजपुरमा स्कर्पियो दुर्घटना, १० जना घाइते २ को अवस्था गम्भिर

भोजपुर । बिहीबार बिहान भोजपुरमा स्कर्पिओ दुर्घटना भएको छ ।

खोटाङ र भोजपुरको सिमानामा पर्ने धार्मिक तथा पर्यटकीयस्थल टेम्केडाँडा भ्रमण गर्न जाने क्रममा भोजपुर नगरपालिका–५, बोखिमको डाडाँटोलमा प्रदेश १–०२–००२ च ६९२३ नम्बरको स्कर्पिओ दुर्घटनामा परेको हो । उक्त स्कर्पिओमा चालक सहित १० जना सवार रहेका थिए ।

अनियन्त्रित भइ दुर्घटना भएको उक्त गाडी सडकबाट झण्डै २ सय ५० मिटर तल खसेको प्रहरीले जनाएको छ । दुर्घटनामा परि सबै १० जना घाइते भएका छन् जसमा २ जनाको अवस्था भने गम्भिर रहेको प्रहरीले जनाएको छ । घाइते हुनेमा इलामको माङ्सेबुङ गाउँपालिका ६ का नवीनकुमार राई, उनका साढे २ वर्षे छोरा निगेल राई र सोही स्थानकी मेनुका घले छन्।

यस्तै, भोजपुर नगरपालिका–५ कि लाक्पादिकी शेर्पा, जुनुका राई र रामकुमार राई, झापाको गौरादह नगरपालिका–७ का झम्कबहादुर घले र देवीकला घले, सुनसरीको धरान उपमहानगरपालिका–२ कि ईहायाराना सुब्बा र धरान–८ का चालक सुदीप लिम्बू घाइते भएका छन्।

घाइतेमध्ये झम्कबहादुर घले र देवीकला घलेको अवस्था गम्भीर रहेको छ ।