भक्तपुर बाबुछोरा हत्या प्रकरणः जेठो छोराले गरे आत्मसमर्पण

काठमाडौं । सोमबार भक्तपुरको सूर्यविनायक नगरपालिका २ बालकोटमा बाबुछोरा मृत भेटिएको प्रकरणमा प्रहरीले १ जनालाई पक्राउ गरेको छ ।

हुलाक कार्यालयका कर्मचारीसमेत रहेका कुलप्रसाद आचार्य र उनका छोरा प्रबिणको हत्या परिवारकै सदस्यले गरेको प्रहरीले पुष्टि गरेको छ । हत्या अभियोगमा महाराजगञ्ज प्रहरीले आचार्यका जेठा छोरा मिलन आचार्यलाई पक्राउ गरेको हो । बुवा र भाइको ‘हत्या मैँले गरेको हुँ’ भन्दै कुलप्रसादका जेठा छोरा मिलन मंगलबार बिहान आफैँ आत्मसमर्पण गर्न महाराजगञ्ज प्रहरीमा पुगेका थिए ।

सोमबार खोटाङको रुपाकोट मझुवागढी नगरपालिका–१ घर भएका ५६ वर्षीय कुल प्रसाद आचार्य र कान्छो छोरा २२ वर्षका प्रबिन आचार्य मृत भेटिएका थिए ।