काठमाडौं । नेपाल प्रिमियर लिग (एनपीएल) अन्तर्गत जारी दोस्रो क्वालिफायरमा कर्णाली याक्सले जनकपुर बोल्ट्सलाई १ सय १९ रनको लक्ष्य दिएको छ ।
त्रिवि क्रिकेट मैदानमा टस हारेर पहिले ब्याटिङको निम्तो पाएको कर्णालीले निर्धारित २० ओभरमा ९ विकेटको क्षतिमा १ सय १८ रन मात्रै जोड्न सक्यो । कर्णालीका लागि गुल्शन झाले सर्वाधिक २५ रनको योगदान दिएका थिए । यस्तै देव खनालले २४, विलिएम बोसिष्टोले १४, जिसम मक्सुद र युनिस ठकुरीले समान १२ रन तथा चाड्विक वाल्टनले ११ रनको योगदान गरेका थिए ।
जनकपुरका लागि ललित राजवंशी र मोहमद मोहसिनले समान २ तथा हर्स ठाकर, शेर मल्ल र जेम्स निसामले समान एक विकेट लिए ।
प्रतिक्रिया