काठमाडौं । जारी नेपाल प्रिमियर लिग (एनपीएल) को लिग चरणको खेलहरु सकिएसँगै प्लेअफ समिकरण पूरा भएको छ ।
त्रिवि क्रिकेट मैदानमा सोमबार भएको लिग चरणको अन्तिम खेलमा सुदूरपश्चिम रोयल्सले कर्णालीलाई पराजित गरेसँगै एनपीएलको प्लेअफ समिकरण पूरा भएको हो । आज बिहान भएको खेलमा सुदूरपश्चिमले कर्णालीलाई ६ विकेटले पराजित गरेको छ ।
कर्णालीले दिएको १ सय २ रनको लक्ष्य सुदूरपश्चिमले १२ दशमलव २ ओभरमा पूरा गर्न नसक्दा कर्णालीले प्लेअफमा स्थान पक्का गरेको हो । यससँगै काठमान्डु गुर्खाजको एनपीएल यात्रा समाप्त भएको छ । १ सय २ रनको लक्ष्य कर्णालीले १५ दशमलव २ ओभरमा ४ विकेटको क्षतिमा पूरा गर्यो ।
सुदूरपश्चिमका कप्तान दीपेन्द्र सिंह ऐरीले ३८ रन बनाए । इशान पाण्डेले ३८ रन बनाए । यसअघि पहिले ब्याटिङ गरेको कर्णाली याक्सले सुदूरपश्चिम रोयल्सलाई १०२ रनको लक्ष्य दिएको थियो ।
योसँगै प्लेअफमा सुदूरपश्चिमसँगै कर्णाली, चितवन र जनकपुर पुगेका छन् ।
प्रतिक्रिया