एनपीएल विशेषः ‘गर या मर’को अवस्थामा रहेको लुम्बिनी र काठमाडौं भिड्दै

काठमाडौं । जारी नेपाल प्रिमियर लिग (एनपीएल) अन्तर्गत बुधबार हुने दोस्रो खेलमा लुम्बिनी लायन्सले काठमाडौं गुर्खाजको सामना गर्नेछ ।

त्रिवि क्रिकेट मैदानमा हुने उक्त खेल नेपाली समय अनुसार दिउँसो सवा १ बजे सुरु हुनेछ । उक्त खेल काठमाडौं र लुम्बिनी दुवैका लागि उत्तिकै महत्वपूर्ण हुनेछ । एनपीएलमा हालसम्म पाँच खेल खेलिसकेको लुम्बिनी ४ खेलमा पराजित र एक खेलमा जित निकाल्दै अंक तालिकाको पुछारमा रहेको छ ।

लुम्बिनीले आजको खेल जित्दै आफ्नो प्ले अफ सम्भावना कायमै राख्ने दाउमा लुम्बिनी छ । यता, प्रतियोगितामा ३ खेल मात्रै खेलेका काठमाडौं भने दुई खेलमा हार र एक खेलमा जित निकालेको छ । अंक तालिकामा २ अंक जोडेको काठमाडौं पनि आजको खेल जित्दै आफ्नो प्ले अफ सम्भावनालाई कायमै राख्न चाहान्छ ।

गर या मरको अवस्थामा रहेको लुम्बिनी र काठमाडौं बीचको यो खेल पनि निकै रोमाञ्चक हुने विश्वास गरिएको छ ।