काठमाडौ । नेपाल प्रिमियर लिग ( एनपीएल) क्रिकेटमा लुम्बिनी लायन्सले पहिलो जीत हासिल गरेको छ ।
मंगलबार भएको पहिलो खेलमा चितवन राइनोजलाई पराजित गर्दै लुम्बिनीले पहिलो जित निकाल्न सफल भएको हो । लुम्बिनीलाई जिताउन कप्तान रोहित पौडेलले ब्याटिङ र बलिङ दुवैमा शानदार प्रदर्शन गरे । ब्याटिङमा ८० रन बनाएका उनले बलिङसमेत गरेर चार विकेट लिए । पौडेलले अन्तिम ओभरमा आउट हुनुअघि ८० रन बनाए ।
५७ बल खेलेका उनले ६ चौका र पाँच छक्का प्रहार गरे । यसअघि टस हारेर पहिले ब्याटिङको निम्तो पाएको लुम्बिनीले निर्धारित २० ओभरमा ६ विकेट गुमाएर १ सय ६७ रन बनाएको थियो ।
प्रतिक्रिया