गढीमाई दर्शन गरेर फर्किएको स्कर्पियो रौतहटमा दुर्घटना, ८ जनाको मृत्यु

रौतहट । रौतहटको चन्द्रपुर नगरपालिकास्थित पूर्वपश्चिम राजमार्गको धन्सार–लमाहा खण्डमा मंगलबार बिहान स्कर्पियो दुर्घटना भएको छ ।

बाराको गढीमाई दर्शन गरेर सिराहा फर्कँदै गरेको बा १६ च ३१६२ नम्बरको स्कर्पियो दुर्घटना हुँदा ८ जनाको मृत्यु भएको छ । मृतक सबैको पहिचान खुलिसकेको प्रहरीले जनाएको छ । प्रहरीले दिएको जानकारी अनुसार स्कर्पियो अनियन्त्रित भई सडकबाट तल दाहिने साइडको रुखमा ठोक्किएर दुर्घटना भएको थियो।

दुर्घटनामा परी सिराहा अर्नामा गाउँपालिका–३ बंठियाटोलका ६० वर्षीया लरुवती देवी महरा, ३० वर्षीया उर्मिला महरा, ५० वर्षीया रामकुमारी महरा, ५५ वर्षीया महगीं देवी महरा, ६२ वर्षीया फुलमन्ति देवी चमार, ६० वर्षीया रामकुमारी देवी महरा, ३० वर्षीया सकुन्तला देवी महरा र ४० वर्षीय स्कर्पिओ चालक श्रीकुमार यादवको मृत्यु भएको जिल्ला प्रहरी कार्यालय रौतहटले जनाएको छ । दुर्घटनामा परि थप ५ जना घाइते भएका छन् ।

उनिहरुको उपचार भइरहेको पनि प्रहरीले जनाएको छ ।