काठमाडौं । जारी नेपाल प्रिमियर लिग (एनपीएल) मा कर्णाली याक्सले विराटनगर किंग्सलाई पराजित गर्दै लगातार दोस्रो जित दर्ज गरेको छ ।
शनिबार भएको रोमाञ्चक खेलमा भएका खेलमा कर्णालीले विराटनगरलाई ७ रनले पराजित गरेको हो । विराटनगर किंग्सको भने यो तेस्रो पराजय हो । कर्णालीले दिएको १ सय ३४ रनको लक्ष्यमा जवाफी ब्याटिङ गरेको विराटनगर पुरै ओभर खेलेर ८ विकेट गुमाएर १ सय २६ रनमा समेटियो ।
कर्णालीका लागि नन्दन यादवले ३, विपिन शर्माले २ तथा विलियम बोसिस्टो, यूनिस ठकुरी र सोमपाल कामिले समान १–१ विकेट लिए । यसअघि टस हारेर ब्याटिङ थालेको कर्णालीले अन्तिम बलमा अलआउट हुँदै १ सय ३३ रन बनाएको थियो ।
कर्णालीका लागि देव खनाल र विलियम बोसिस्टोले अर्धशतकीय पारी खेलेका थिए ।
प्रतिक्रिया