काठमाडौं । रोमाञ्चक खेलमा चितवन राइनोजलाई पराजित गर्दै कर्णाली याक्सले पहिलो जित निकालेको छ ।
शुक्रबार बिहान भएको खेलमा चितवनलाई ६ विकेटले पराजित थर्दै कर्णालीले आफ्नो पहिलो जित दर्ज गरेको हो । चितवनले दिएको १ सय ३० रनको लक्ष्य कर्णालीले १ बल बाँकी रहँदै ४ विकेटको क्षतिमा पुरा गर्यो । कर्णालीका शिखर धवनले सर्वाधिक ४५ रन बनाए । यस्तै चडविक वाल्टनले ३०, देव खनालले २५, जीशन मक्सूदले १२ र अर्जुन बिटालुले ११ रन बनाए।
चितवनका लागि कुशल मल्ल, निकोल लोफ्टिई इटोन र रवि बोपाराले एक एक विकेट लिएका थिए । पहिले ब्याटिङ गरेको चितवनले सात विकेटको क्षतिमा १ सय ३० रन बनाएको थियो। चितवनका लागि रवि बोपाराले अर्धशतकीय पारी खेलेका थिए ।
प्रतिक्रिया