काठमाडौं । कीर्तिपुर नगरपालिकाको मेयर पदमा नेपाली कांग्रेसका उम्मेदवार कृष्णमान डंगोलको अग्रता कायमै रहेको छ ।
हालसम्म सार्वजनिक भएको मतपरिणाम अनुसार उनले ७ सय ८९ मतसहित आफुलाई अग्र स्थानमा राख्न सफल भएका छन् । उनलाई नेकपा एमालेका उम्मेदवार डा. सुरेन्द्र मानन्धरले ६ सय ६६ मतसहित पछ्याईरहेका छन् । कीर्तिपुर नगरपालिकामा तेस्रो स्थानमा भने माओवादी केन्द्रका प्रा.डा.शिवशरण महर्जन रहेका छन् ।
उनले हालसम्म ४ सय ६५ मत पाएका छन् । स्वतन्त्र उम्मेदवार राजमान महर्जन (मानव)ले ४ सय १८ मत पाएका छन् । कीर्तपुरको वडा १ र ४ मा पनि उपनिर्वाचन भएको छ । वडानम्बर १ मा कांग्रेसका इच्छाकुमार महर्जन ५ सय ६२ मतका साथ विजयी भइसकेका छन् ।
वडानम्बर ४ को नतिजा आउन बाँकी छ ।
प्रतिक्रिया