काठमाडौं । काठमाडौं महानगरपालिकाले सानो गौचरन रंगशाला पुननिर्माण थालनी गरेको छ ।
बिहीबार काठमाडौं महानगरपालिकाकी उपप्रमुख सुनिता डंगोलले शिलान्यास गरेर रंगशालाको पुनः निर्माणको काम सुरु गरेकी हुन् । २२ करोड ९५ लाख ९३ हजार ९ सय ९९ लागत अनुमान गरिएको काम गर्न आव्हान गरिएको बोलपत्रबाट १८ करोड ८६ लाख ७४ हजार ८२७ रुपैयाँ कबोल गरेर शुभ कन्स्ट्रक्सनले पुनःनिर्माणको जिम्मेवारी पाएको छ ।
स्टेडियम पुनःनिर्माणको शिलान्यास गर्दै महानगरपालिकाका उपप्रमुख सुनिता डंगोलले, महानगरपालिकाले खेल पूर्वाधारमा लगानी बढाएको धारणा व्यक्त गरेकी छन् । स्टेडियममा ९६×६२ मिटरको खेल मैदान हुनेछ । मैदानमा आकाशे पानी निकास प्रणालीसहितको कृत्रिम घाँस राखिनेछ । वरिपरि पर्खाल हुनेछ ।
यसमा २८ वटा चार पाङ्ग्रे र १७८ वटा २ पाङ्ग्रे सवारी साधन अट्ने क्षमताको पार्किङ् हुनेछ । स्टेडियमको भुइँ तलामा महिलाका लागि २३ वटा र पुरुषका लागि १६ वटा शौचालय हुनेछन् ।
पहिलो तलामा ७ वटा महिलाका लागि र ५ वटा पुरुषका लागि शौचालय हुनेछन् ।
प्रतिक्रिया