काठमाडौं । नेपाल प्रिमियर लिग (एनपीएल) मा उत्कृष्ट प्रदर्शन गर्ने खेलाडीले ओमोडा एन्ड जेइको कम्पनीको गाडी पाउने भएको छ।
नेपाल क्रिकेट संघ (क्यान) ले यसका लागि मंगलबार ओमोडा एन्ड जेइकोलाई सह-प्रायोजकका रूपमा सम्झौता गरेको छ। क्यानले मंगलबार पत्रकार सम्मेलन गर्दै एनपीएलको पहिलो संस्करणका लागि सह-प्रायोजकको रूपमा ओमोडा एन्ड जेइकोसॅंग साझेदारी गरेको हो।
क्यानका सचिवका र एसपिजी अटोमोबाइल्सका निर्देशक गौरव शारडा सम्झौतापत्रमा हस्ताक्षर गरेका थिए। एसपिजि अटोमोबाइल्सका निर्देशक गौरव शारडाले ओमोडा एन्ड जेइको र एनपिएलबीचको यो सहकार्यले नेपालमा क्रिकेटको प्रवर्द्धन र विकासका लागि टेवा पुऱ्याउने विश्वास व्यक्त गरे।
उनले नेपाली क्रिकेटले लोकप्रियता तथा सफलता पाउँदै गरेको समयमा खेल विकासका लक्ष्यहरू हासिल गर्न सहयोग पुग्ने आशा व्यक्त गरे।
कम्पनीले ओमोडा एन्ड जेइको र एनपिएलबीचको सहकार्यले नेपाली क्रिकेटको विकासमा उल्लेखनीय भूमिका खेल्ने र प्रतिभावान नेपाली युवा खेलाडीहरूलाई अन्तर्राष्ट्रियस्तरमा चिनाउन मद्दत गर्दै नेपाल क्रिकेट लिगको विकास र सफलतामा योगदान पुऱ्याउने विश्वास लिएको छ।
प्रतिक्रिया