काठमाडौं । नेपाल कबड्डी लिगको लोगो, सिटी र ट्रफी सार्वजनिक भएको छ ।
आईतबार राजधानीमा आयोजित एक कार्यक्रममा गृह मन्त्री रमेश लेखकको उपस्थितिमा लोगो, सिटी र ट्रफी सार्वजनिक गरिएको हो । लोगो सार्वजनिकसँगै फ्रेन्चाइज सहरहरूको नाम पनि सार्वजनिक गरिएका छन् । नेपाल कबड्डी लिगको पहिलो संस्करणका लागि छ वटा फ्रेन्चाइज सहरहरूको नाम सार्वजनिक गरिएको छ।
जसमा काठमाडौं, पोखरा, विराटनगर, जनकपुर, धनगढी र बुटवल रहेका छन् । कबड्डी लिगको यो घोषणा र कार्यक्रमले नेपाली खेलकुद क्षेत्रमा नयाँ अध्यायको सुरुवात भएको संकेत गरेको छ।
कार्यक्रममा विशेष अतिथिका रूपमा युवा तथा खेलकुद मन्त्री तेजु लाल चौधरी, नेपाल ओलम्पिक कमिटीका अध्यक्ष जीवनराम श्रेष्ठ, कमल कुमार बेगानी, अखिल नेपाल कबड्डी संघका अध्यक्ष तुलसी थापा, अखिल नेपाल कबड्डी संघका महासचिव अरविन्द कुमार झा र कोशी प्रदेश खेलकुद विकास बोर्डका सदस्य सचिव कृष्ण बस्नेतको उपस्थिति रहेको थियो।
प्रतिक्रिया