काठमाडौं । वीरगन्जबाट पोखरातर्फ जाँदै गरेको बस मकवानपुरमा दुर्घटना हुँदा १७ जना घाइते भएका छन् ।
बस हेटौँडा उपमहानगरपालिका–१५ स्थित चुरियामाई मन्दिर नजिक पूर्वपश्चिम राजमार्गमा दुर्घटना भएको हो । शुक्रबार बिहान १० बजेतिर ग२ख १६२१ नम्बरको बस ब्रेक फेल भई सडक छेउको खोल्सामा पल्टिएको पाइएको जिल्ला प्रहरी कार्यालय मकवानपुरले जनाएको छ । घाइते हुनेहरुमा बारा, पर्सा, चितवन, कैलाली र स्याङ्जाका छन् ।
उनीहरुलाई हेटौँडा अस्पताल लगिएको प्रहरीले जनाएको छ । बसमा १८ जना यात्रु सवार रहेका थिए । दुर्घटनाको कारणबार हालसम्म खुल्न सकेको छैन् ।
प्रतिक्रिया