काठमाडौं । चौथो अभ्यास खेलमा नेपाली यू १९ टोलीविरुद्ध भारतको कर्नाटक यू १९ टोलीले जित निकालेको छ ।
पाँचको खेलको सिरिजको चौथो खेलमा कर्नाटक ५ विकेटले विजयी भएसँगै सिरिज २-२ को बराबरीको अवस्थामा पुगेको छ। अब बिहीबार हुने पाँचौं तथा अन्तिम खेल निर्णायक हुने भएको छ। मंगलबार मुलपानीमा नेपालले दिएको १०६ रनको सामान्य लक्ष्य कर्नाटकले ५ विकेटको क्षतिमा ३७ ओभरमा पूरा गर्यो।
उसका लागि शिव आर र प्रभावकरले २४/२४ रन जोडे। बलिङमा नेपालका सन्तोष यादवले ३ विकेट लिए भने बिपिन महतो र राजेश यादवले १-१ विकेट लिन सफल भए।
त्यसअघि टस जितेर पहिले ब्याटिङ गरेको नेपाल ३५ दशमलव १ ओभरमा १०५ रनमा अलआउट भयो।
प्रतिक्रिया