काठमाडौं । पृथ्वीराजमार्ग अन्तर्गत धादिङको बेनीघाट रोराङ गाउँपालिका १० खयरघारीबाट एक ट्रक त्रिशूली नदीमा खसेको छ ।
मंगलबार बिहान करिब ६ बजे नवलपरासीबाट काठमाडौँ आउँदै गरेको लु २ ख २५० नम्बरको ट्रक त्रिशूली नदीमा खसेको हो। प्रहरीका अनुसार दुर्घटनास्थलबाट तीन जना घाइतेको उद्धार गरिएको छ। ट्रक चालक नवलपरासी पश्चिमका २७ वर्षीय आशिष महतो, सहचालक २६ वर्षीय राजु थापामगर र ट्रक धनी खैरहनी नगरपालिकाका ४६ वर्षीय सुरेश गुरुङलाई उद्धार गरिएको हो।
उनीहरुलाई प्रारम्भिक उपचारका लागि मझिमटारस्थित बिहानी फार्मेसीमा पठाइएको छ। प्रहरीको प्रारम्भिक अनुसन्धानका आधारमा ट्रक आफैँ अनियन्त्रित भइ दुर्घटना भइको हुनसक्ने अनुमान गरिएको छ ।
प्रतिक्रिया