सिटी एक्सप्रेस सबैभन्दा धेरै कर तिर्ने कम्पनीको रूपमा सम्मानित

काठमाडौं । सिटी एक्सप्रेस रेमिट्यान्स तथा मनी ट्रान्सफरतर्फ सबैभन्दा धेरै कर तिर्ने कम्पनीको रूपमा सम्मानित भएको छ ।

राष्ट्रिय कर दिवसको अवसरमा आन्तरिक राजश्व विभागले आर्थिक वर्ष २०७९/८० को वित्तीय विवरणका आधारमा विभिन्न क्षेत्रका उत्कृष्ट करदाताहरूको घोषणा गर्दै उनीहरूलाई सम्मान गरेको हो । अर्थमन्त्री विष्णु पौडेलले सिटी एक्सप्रेसका प्रबन्ध निर्देशक चन्द्र टण्डनलाई सम्मानपत्र प्रदान गरे ।

सिटी एक्सप्रेसको यो उत्कृष्ट करदाताको रूपमा पहिलो सम्मान हो । सम्मानित भएपछि कम्पनीले सरकारबाट प्राप्त मान्यतालाई गौरवको रूपमा लिएको छ । सिटी एक्सप्रेस जापानले एक प्रेस नोट जारी गर्दै सम्मानले कम्पनीको जिम्मेवारीलाई अझ बलियो बनाएको उल्लेख गरेको छ ।

सिटी एक्सप्रेसले रेमिट्यान्स क्षेत्रमा आफ्नो छुट्टै पहिचान बनाउँदै विगत १४ वर्षदेखि जापान, कोरिया, साउदी, कतार, कुवेत, मलेसिया, अस्ट्रेलिया, लगायतका देशबाट विप्रेषण सेवा प्रदान गर्दै आइरहेको छ ।