कप्तान पूजाको उत्कृष्ट प्रदर्शनमा कुवेतमाथि नेपालको शानदार जित

काठमाडौं । आइसिसी यू १९ महिला विश्वकप एसिया छनोट २०२४ अन्तर्गत आज भएको खेलमा नेपालले कुवेतमाथि शानदार जित निकालेको छ ।

कप्तान पूजा महतोको आक्रामक ब्याटिङ र बलिङको सहायतामा नेपालले कुवेतमाथि १ सय ६५ रनको फराकिलो जित निकालेको हो। टस जितेर पहिला ब्याटिङ गरेको नेपालले निर्धारित २० ओभरमा मात्र दुई विकेट गुमाउँदै २ सय १३ रन बनाएको थियो। जवाफी ब्याटिङमा उत्रिएको कुवेत ४८ रन बनाउँदै अलआउट भयो।

योसँगै यो प्रतियोगितामा नेपालको चौथो जित हो। पूजा महतो एक्लैले आज पाँच विकेट लिइन्। पूजाले एकै ओभरमा चार विकेटसमेत लिएकी छन्। अब विश्वकपमा जानका लागि नेपालले भोलि यूएईसँग अन्तिम खेल खेल्दैछ। भोलि यूएईसँग राम्रो रनरेटमा जित निकाल्न सकेन नेपाल विश्वकपमा जानेछ।