बंगलादेशविरुद्धको एकदिवसीय सिरिज अफगानिस्तानको कब्जामा

एजेन्सी । बंगलादेशविरुद्धको एकदिवसीय सिरिजमा अफगानिस्तानले कब्जा जमाएको छ ।

गएराती सम्पन्न सिरिजको तेस्रो तथा अन्तिम खेलमा अफगानिस्तानले बंगलादेशलाई ५ विकेटले पराजित गर्दै सिरिज २-१ ले जितेको हो । बंगलादेशले दिएको २ सय ४५ रनको लक्ष्य पछाएको अफगानिस्तानले रहमनुल्लाह गुरबाजको १ सय १ तथा अजमतुल्लाह ओमरजाइको ७० रनको मद्दतले ४८ दशमलव २ ओभरमा ५ विकेट गुमाउदै लक्ष्य पुरा गरेको थियो ।

यसअघि टस जितेर पहिला ब्याटिंग गरेको बंगलादेशले ५० ओभरमा ८ विकेट गुमाउदै २ सय ४४ रन बनाएको थियो । योसँगै अफगानिस्तानले बंगलादेशविरुद्धको एकदिवसीय सिरिज २-१ ले जितेको छ ।

सिरिजमा पहिलो खेल अफगानिस्तानले जितेको थियो भने दोस्रो खेल बंगलादेशले जितेको थियो ।