काठमाडौं । लुम्बिनी लायन्सले अष्ट्रेलियाका बेन कटिङलाई टोलीमा भित्र्याएको छ ।
मंगलबार बिहान लुम्बिनीले अलराउण्डर कटिङलाई आफ्नो टोलीमा अनुबन्ध गरेको घोषणा गरेको हो । कटिङमा दबाबको बेला पनि खेललाई पल्टाउनु सक्ने क्षमता भएको लुम्बिनीले बताएको छ । विष्फोटक ब्याटिङका तथा तीव्र गतिका बलरका रुपमा कटिङ चर्चित छन् । उनीसँग विभिन्न टी–२० फ्रेन्चाइज लिग खेलेको अनुभव छ ।
आईपीएलमा पनि मुम्बई इण्डियन्स, सनराईजर्स हैदराबाद, कोलकता नाई राईडर्सलगायतका टोलीबाट कटिङले खेलिसकेका छन् । उनले अष्ट्रेलियाका लागि ४ एकदिवसीय र ७ टी–२० आई खेलेका छन् । सन् २०११र१२ मा न्यूजिल्याण्डविरुद्धको टेस्ट टोलीमा छनोट हुने मौका पाएपनि उनले खेल्न पाएनन् ।
सोही वर्ष उनले श्रीलंकाविरुद्धको एकदिवसीय र टी–२० सिरिजमा अष्ट्रेलियाका लागि डेब्यू गरेका थिए । लुम्बिनीले मुख्य प्रशिक्षक नन्दन फड्निस रहेका छन् । टोलीमा पूर्व क्रिकेटर शक्ति गौचन कन्सल्टेन्ट प्रशिक्षकको रुपमा आबद्ध छन् ।
टोलीमा राष्ट्रिय क्रिकेट टोलीका कप्तान रोहितकुमार पौडेल टोलीको मार्की खेलाडी हुन् ।
प्रतिक्रिया