काठमाडौं । एएफसी यू–१७ एसियन कप छनोटमा नेपाल बुधबार जापानको हातबाट ९–२ ले पराजित भएको छ ।
समूह ‘एफ’ को खेलमा नेपालले सुरुआती अग्रता लिएपछि जापानले एकपछि अर्को गोल गरेको हो । हमद बिन खलिफका स्टेडियममा नेपालका लागि सबिन कुमार मगरले १२ औं मिनेटमा गोल गरे । त्यसपछि अर्को गोल ८८ औं मिनेटमा सम्भव भएको थियो र त्यो विज्ञान खड्काको नाममा रह्यो ।
जापानका लागि दाइची तानी एक्लैले चार गोल गरे । यसअघि कतारले मंगोलियालाई २–० ले हराएको थियो ।
अब नेपालले शुक्रबारको खेलमा कतारको सामना गर्नेछ भने मंगोलिया जापानसँग भिड्ने छ ।
प्रतिक्रिया