काठमाडौं । मंसिर १५ बाट हुन गइरहेको नेपाल प्रिमियर लिग (एनपीएल) मा इङ्ल्यान्डका विकेटकिपर ब्याट्सम्यान टिम मोरिस लुम्बिनी लायन्समा अनुबन्धित भएका छन् ।
सन् २०१६ देखि फर्स्ट क्लास ए लिस्टमा खेल्दै आएका २८ वर्षीय मोरिसले सन् २०२३ देखि टी–२० क्रिकेट खेल्न थालेका हुन् । उनले काउन्टी, बीपीएल, एलपीएल, पीएसएललगायत विभिन्न लिगहरु खेल्दै आएका छन् । १ सय २८ वटा विभिन्न फ्रेन्चाइजी टी–२० खेलिसकेका मोरिसले २३ दशमलव ३४ औसतमा २ हजार ३ सय २१ रन हानेका छन् ।
उनको ८० रनको अविजित उच्च स्कोर रहेको छ । फर्स्ट क्लास क्रिकेटमा ७८ खेल खेलेका मोरिसले १ सय २३ इनिङमा ७ पटक ब्याटिङ गर्दै अविजित २ हजार ६ सय ८१ रन बनाएका छन् ।
अहिलेसम्मको आफ्नो करिअरमा २ शतक र ८ अर्धशतक बनाएका छन् ।
प्रतिक्रिया