काठमाडौं । नेपाल प्रिमियर लिग (एनपीएल) मा सुदूरपश्चिम रोयल्सले स्कटल्याण्डका ब्याटिंग अलराउन्डर ब्राण्डन म्याकुलेनलाई भित्र्याएको छ ।
सुदूरपश्चिमले पहिलो विदेशी खेलाडी भित्र्याउने क्रममा २५ बर्षिय म्याकुलेनसँग सम्झौता गरेको जानकारी दिएको छ । स्कटल्याण्डका लागि १६ टी–२० खेलेका म्याकुलेनले ६ अर्धशतकसहित ३८ दशमलव २३ को औसतमा ४९७ रन बनाएका छन् । उनको स्ट्राइकरेट १ सय ४८ दशमलव ८० रहेको छ ।
दिपेन्द्र सिंह ऐरी मार्की खेलाडी रहेको सुदूरपश्चिमले अस्ट्रेलियाका पुर्व खेलाडी ब्राड हजलाई मेन्टरको रुपमा यसअघि नै अनुबन्ध गरेको छ ।
प्रतिक्रिया