काठमाडौं । अमेरिका विरुद्धको टी–२० सिरिजको दोस्रो खेलमा नेपाल सुपर ओभरमा विजयी भएको छ ।
अमेरिकाले दिएको ३ रनको लक्ष्य नेपालले ४ बलमा पुरा गरेको थियो । त्यसअघि नेपालले दिएको १ सय ७१ रनको लक्ष्य पछ्याएको अमेरिकाले २० ओभरमा ८ विकेट गुमाएर १ सय ७० रन बनाएपछि खेल सुपर ओभरमा पुगेको हो । अमेरिकाका आन्द्रेस गौसले सबैभन्दा धेरै ६२ रन बनाए ।
नेपालका करण केसीले ३, सोमपाल कामीले २ तथा सागर ढकाल र दीपेन्द्रसिंह ऐरीले समान १ विकेट लिए । यसअघि डालासमा टस जितेर ब्याटिङ गरेको नेपालले २० ओभरमा ६ विकेट गुमाएर १ सय ७० रन बनायो । नेपालका कुशल भुर्तेलले नटआउट ९२ रन बनाए । भुर्तेलले ५४ बल खेल्दै ६ छक्का र ७ चौका प्रहार गरे ।
अमेरिकाका जसदीप सिंह र नोस्थुश केन्जिगेले समान २ विकेट लिए । यो जीतसँगै नेपालले तीन खेलको शृङ्खला एक खेलअघि नै जितेको छ ।
अमेरिकासँगको पहिलो खेलमा नेपाल १७ रनले विजयी भएको थियो ।
प्रतिक्रिया