वेस्ट इन्डिजविरुद्धको टी–२० सिरिज २–१ ले श्रीलंकाको पोल्टामा

एजेन्सी । वेस्ट इन्डिजविरुद्धको टी–२० सिरिज श्रीलंकाले पोल्टामा परेको छ ।

बिहीबार राति भएको तेस्रो खेलमा ९ विकेटको जित निकालेसँगै श्रीलंकाले २–१ ले सिरिज हात पारेको हो । वेस्ट इन्डिजले दिएको १६३ रनको लक्ष्य पछ्याएको श्रीलंकाले १८ ओभरमा एक विकेट गुमाउँदै लक्ष्य पुरा गरेको थियो । श्रीलंकाको जितमा कुसल मेन्डिजले अविजित ६८ रन बनाएका थिए भने कुसल परेराले ५५ रन बनाएका थिए ।

त्यस्तै पाथुम निसान्काले ३९ रन बनाएका थिए । यस अघि टस जितेर पहिला ब्याटिंग गरेको वेस्ट इन्डिजले २० ओभरमा ८ विकेट गुमाउदै १६२ रन बनाएको थियो । वेस्ट इन्डिजका लागि कप्तान रोभमन पावेलले सर्बाधिक ३७ रन बनाए भने गुडाकेश मोतीले ३२ र ब्राण्डन किंगले २३ रन बनाएका थिए ।

सिरिजको पहिलो खेल वेस्ट इन्डिजले ५ विकेटले जितेको थियो भने दोस्रो खेल श्रीलंकाले ७३ रनले जितेको थियो ।