विश्वकप छनोटः पेरुविरुद्ध ब्राजिलको ४–० गोलअन्तरको फराकिलो जित

एजेन्सी । दक्षिण अमेरिका पोल अन्तर्गत विश्वकप छनोटमा ब्राजिलले पेरुविरुद्ध ४–० को पराकिलो विजयी हासिल गरेको छ ।

बुधवार बिहान भएको खेलमा ब्राजिलका राफिन्हाले ३८ मिनेटमा पेनाल्टी मार्फत ब्राजिललाई पहिलो अग्रता दिलाएका थिए । उनै राफिन्हाले ५४ औँ मिनेटमा पुनः पेनाल्टी मार्फत गोल गर्दै ब्राजिललाई दोस्रो अग्रता दिलाए । खेलको ७७ औँ मिनेटमा पेरिराले गोल गर्दै ब्राजिलको अग्रता ३–० बनाए ।

त्यसको तीन मिनेटमानै हेनरिकले गोल गरेपछि ब्राजिलले ४–० को शानदार जित निकाल्न सफल भएको थियो । जितपछि ब्राजिल साउथ अमेरिकी पोलको चौथो स्थानमा उक्लिएको छ ।

१० खेल खेलेको ब्राजिलले १६ अङ्क बनाएको छ ।