एजेन्सी । जारी युरोपियन नेसन्स लिगमा अन्तर्गत मंगलबार राति भएको खेलमा स्पेनले सर्वियालाई पराजित गरेको छ ।
घरेलु मैदानमा भएको खेलमा स्पेनले ३–० को सहज जित निकालेको हो । लिगमा स्पेनले खेलको पाँचौँ मिनेटमा अमेरिक लापोर्टको गोलबाट पहिलो अग्रता लिएको थियो । स्पेनको लागि अल्भारो मोरटाले खेलको ६६ औँ मिनेटमा दोस्रो अग्रता दिलाए भने एलेक्स बाइनाले ७७ औँ मिनेटमा तेस्रो गोल गर्दै स्पेनलाई ३–० को सहज जित दिलाए ।
खेलको ७६औँ मिनेटमा स्ट्राफिन्जा पाभ्लोभिकले सिधै रातो कार्ड पाउँदा सर्विया दश खेलाडीमा सीमित बनेको थियो ।
प्रतिक्रिया