एजेन्सी । यूएईमा जारी आईसिसी महिला टी–२० विश्वकपको सेमिफाइनल समिकरण पुरा भएको छ।
गयराति समूह ‘बी’ अन्तर्गत भएको खेलमा इङ्ग्ल्यान्डलाई ६ विकेटले पराजित गर्दै वेस्ट इन्डिज समूह विजेता बन्दै सेमिफाइनलमा पुगेको हो। टस हारेर पहिला ब्याटिङ्ग गर्न मैदान उत्रेको इङ्ग्ल्यान्डले निर्धारित ओभरमा ७ विकेट गुमाएर १ सय ४१ रन बनायो।
१ सय ४२ रनको लक्ष्यसहित मैदान उत्रेको वेस्ट इन्डिजले १२ बल बाँकी छदै ४ विकेटको क्षतिमा जित हात हासिल गर्यो। समूह ‘बी’ बाट साउथ अफ्रिका समूह उपविजेता बन्दै सेमिफाइनलमा पुगेको छ भने समूह ‘ए’ बाट अस्ट्रेलिया र न्यूजिल्यान्ड सेमिफाइनलमा पुगिसकेको छ। अब पहिलो सेमिफाइनल बिहीवार र दोस्रो सेमिफाइनल शुक्रवार हुनेछ।
पहिलो सेमिफाइनलमा अस्ट्रेलिया र साउथ अफ्रिका भिड्ने छन् भने दोस्रो सेमिफाइनलमा न्यूजिल्यान्ड र वेस्ट इन्डिजबीच प्रतिस्पर्धा हुनेछ।
प्रतिक्रिया