एजेन्सी । यूएईमा जारी आईसिसी महिला टी–२० विश्वकप क्रिकेटमा पाकिस्तानलाई हराउँदै न्यूजिल्यान्ड सेमिफाइनलमा प्रवेश गरेको छ।
गयराति भएको खेलमा पाकिस्तानलाई ५४ रनले पराजित गर्दै न्यूजिल्यान्ड आईसीसी महिला टी–२० विश्व कपको सेमिफाइनलमा पुगेको हो। टस जितेर पहिला ब्याटिङ्ग गर्दै न्युजिल्यान्डले निर्धारित ओभरमा ६ विकेट गुमाएर १ सय १० रन बनायो। १ सय ११ रनको लक्ष्यसहित मैदान उत्रेको पाकिस्तान ११ दशमलव ४ ओभरमा अलआउट हुँदै जम्मा ५६ रन मात्रै बनाउन सक्यो। न्यूजिल्यान्डका जितका लागि सूजी ब्याट्सले सर्वाधिक २८ रन जोडिन्।
त्यस्तै ब्रुक ब्यालिडेले २२ रन बनाउँदा जर्जिया प्लिमरले १७ रन बनाइन्। पाकिस्तानका लागि फातिमा सनाले २१ र मुनीबा अलीले १५ बनाइन्।
जितसँगै समूह ‘ए’ बाट अस्ट्रेलिया र न्यूजिल्यान्ड सेमिफाइनलमा पुगेका छन् भने भारत, पाकिस्तान र श्रीलङ्का समूह चरणबाटै बाहिरिएका छन्।
प्रतिक्रिया