एजेन्सी । बंगलादेशविरुद्धको टी–२० सिरिजमा भारतले क्लिन स्वीप गरेको छ।
गएराति सम्पन्न तेस्रो तथा अन्तिम बंगलादेशलाई १ सय ३३ रनले पराजित गर्दै भारतले सिरिज ३–० ले कब्जा गरेको हो। भारतले दिएको २ सय ९८ रनको विशाल लक्ष्य पछाएको बंगलादेशले २० ओभरमा ७ विकेट गुमाउँदै १ सय ६४ रन बनाएको थियो। बंगलादेशका लागि टोहिद हृदयले अविजित ६३ रन बनाएका थिए भने लिटन दासले ४२ रन बनाएका थिए।
त्यस्तै यसअघि पहिला ब्याटिंग गरेको भारतले २० ओभरमा ६ विकेट गुमाएर २ सय ९७ रन बनाएको थियो । यसअघि गत बुधबार भएको दोस्रो खेलमा ८६ रनको शानदार जितसहित सिरिज एक खेल अगाबै आफ्नो पक्षमा पारेको थियो।
पहिलो खेलमा असोज २१ गते भारतले बंगलादेशलाई ७ विकेटले पराजित गरेको थियो।
प्रतिक्रिया