काठमाडौं । नेपालीहरुको महान चाड बडादशैं मनाउन काठमाडौं उपत्यका छाडेर हालसम्म ५ लाख भन्दा धेरै मानिस गाउँ फर्किएका छन् ।
गएको असोज १७ गतेदेखि असोज २३ अर्थात आज बिहानसम्म पाँच लाख ६ हजार पाँच सय २५ जना बाहिरिएको प्रहरीले जनाएको छ । त्यही अवधिमा दुई लाख ९० हजार चार सय ३८ जना उपत्यका भित्रिएका छन् । यस्तै सात दिनमा ७६ हजार चार सय ३९ वटा गाडी बाहिरिएका र ५८ हजार ११ वटा गाडी भित्रिएका प्रहरीको तथ्याङ्क छ ।
अघिल्ला वर्षहरूको दशैंमा १५ देखि १८ लाख जना मानिसले उपत्यका छाड्ने गरेकोमा यस वर्ष बढीमा आठदेखि नौ लाख जना बाहिरिने अनुमान प्रहरीले गरेको छ ।
यस वर्ष घटनास्थापना शुरू हुनुभन्दा केही दिनअघि मात्रै मुसलधारे वर्षा भएर धेरैजसो सडक अवरुद्ध हुँदा यात्रा गर्नेहरूको सङ्ख्या घटेको हो ।
प्रतिक्रिया