२७ दशमलव ३९ अंकले घट्यो नेप्से, कारोबार रकम पनि घट्यो

काठमाडौं । साताको तेस्रो कारोबारको दिन मंगलबार सेयर बजार परिसूचक नेप्से २७ दशमलव ३९ अंकले घटेको छ ।

आज नेप्से परिसुचक घटेर २६६३ दशमलव ३२ अंकमा आइपुगेको छ । यस्तै आज ४ अर्ब ५९ करोड रुपैयाँको मात्रै कारोबार भयो । आज २०७ कम्पनीको सेयर मूल्य घट्दा ३५ कम्पनीको सेयरमूल्य बढेको छ। घट्नेमा इष्ट्रन हाइड्रो, बुद्दभूमी हाइड्रो अगाडि छ।

यो दुवै कम्पनीको सेयरमूल्य क्रमश ८ दशमलव ५० र ७ दशमलव २४ प्रतिशतले घटेको हो । यस्तै बढ्नेमा भने आज मिड सोलु हाइड्रो अगाडि देखिएको छ। यो कम्पनीको सेयरमूल्यमा १० प्रतिशतको बृद्धि सहित सकारात्मक सर्किट लागेको छ भने बुटवल पावर कम्पनी पनि ६ दशमलव ८३ प्रतिशतको वृद्धिसहित धेरै कमाउनेमा दोस्रो नम्बरमा आएको छ।

कारोबारको आधारमा भने आज एनलजी इन्स्योरेन्स अगाडि छ। यो कम्पनीको २७ करोड रुपैयाँको सेयर कारोबार हुँदा नेपाल फाइनान्सको २३ करोडको कारोबार भएको हो।