एनपीएल अक्सनः गुल्शन झालाई कर्णालीले १५ लाखमा किन्यो

काठमाडौं । नेपाली राष्ट्रिय टीमका स्टार अलराउन्डर गुल्शन झा नेपाल प्रिमियर लिग (एनपीएल)को पहिलो संस्करणमा कर्णालीमा आवद्ध भएका छन् ।

उनलाई गोलाप्रथाबाट कर्णालीले हात पारेको हो । ७ टीमले उच्चतम १५ लाखको बोली लगाए । लुम्बिनीले भने ए ग्रेडका ३ खेलाडीको कोटा पुर्याइसकेकाले गुल्शनलाई लिने दौडमा सामेल हुन पाएन ।अन्तिममा गोलाप्रथाबाट कर्णालीले लग्यो । गुल्शनले नेपाली राष्ट्रिय टीमबाट उत्कृष्ट प्रदर्शन गर्दै आएका छन् ।

नेपालको क्यानडा भ्रमणमा उनले शानदार प्रदर्शन गरेका थिए । १८ वर्षिय गुल्शन झा विष्फोटक ब्याटिङका लागि चिनिन्छन् । उनले थुप्रै म्याचमा नेपाललाई अप्ठेरो स्थितिबाट उकासेका छन् ।