एजेन्सी । जारी स्पेनी ला लिगामा रियल म्याड्रिडको अपराजित यात्रा कायम रहेको छ ।
गएराति सम्पन्न खेलमा सान्टियागो बर्नाबाउमा भएको खेलमा भिल्लारियललाई २–० ले हराएर रियल म्याड्रिडले आफ्नो अपराजित यात्रा कायम रखेको हो । रियलले १४औं मिनेटमा फेडरिको भाल्भारेडको गोलले अग्रता लिएयता ७३ औं मिनेटमा भिनिसियस जुनियरले दोस्रो गोल थपे ।
यो जितपछि रियलको नौ खेलबाट २१ अंक भएको छ । शीर्षमा बार्सिलोनाको पनि २१ अंक छ, तर उसले एक खेल कम खेलेको छ । अन्य खेलमा रायो भालेकानोले रियल भालाडोलिडलाई २–१, सेल्टा भिगोले लास पाल्मासलाई १–० र इस्पनयोलले मार्लोकालाई २–१ ले हरायो ।
गेटाफे र ओसासुनाले १–१ को बराबरी खेले ।
प्रतिक्रिया