एजेन्सी । यूएईमा जारी आईसीसी टी–२० महिला विश्वकप क्रिकेटमा साविक विजेता अस्ट्रेलियाले विजयी सुरुवात गरेको छ ।
गएराति भएको आफ्नो पहिलो खेलमा अष्ट्रेलियाले श्रीलङ्कालाई ६ विकेटले पराजित गरेको हो । ९४ रनको लक्ष्य अस्ट्रेलियाले १४ ओभर २ बलमा ४ विकेट गुमाएर पूरा गर्यो । अस्ट्रेलियाकी ओपनर बेथ मुन्नीले सर्वाधिक ४३ रन बनाइन् । त्यस अघि शारजहामा टस जितेर ब्याटिङ रोजेको श्रीलङ्काले निर्धारित २० ओभरमा ७ विकेट गुमाएर ९३ रन मात्र बनायो ।
श्रीलङ्काकी निलशिखा शर्माले सर्वाधिक २९ रन बनाइन् । अस्ट्रेलियाकी मेगना स्कुटले ३ विकेट लिइन् । जीतसँगै अस्ट्रेलिया समूह ‘ए’को दोस्रो स्थानमा छ । लगातार दुई हारसहित श्रीलङ्का अङ्क विहीन रहेको छ ।
श्रीलङ्का पहिलो खेलमा पाकिस्तानसँग पराजित भएको थियो ।
प्रतिक्रिया