एजेन्सी । आज (बिहीबार) बाट सुरु भएको आईसीसी महिला टी–२० विश्वकप क्रिकेटमा बंगलादशले विजयी सुरुवात गरेको छ ।
विश्वकपको उद्घाटन खेलमा स्कटल्यान्डलाई १६ रनले पराजित गर्दै जित हात पारेको हो । सारजहामा बंगलादेशले दिएको १ सय २० रनको मध्यम लक्ष्य पछ्याएको स्कटल्यान्डले निर्धारित ओभरमा ७ विकेट गुमाएर १ सय ३ रनमात्र बनाउन सक्यो । उसका लागि साराह ब्रिसले ४९ रन बनाए पनि टोलीलाई जित भने दिलाउन सकिनन् ।
रितु मोनीले बंगलादेशका लागि २ विकेट लिइन् । यसअघि टस जितेर पहिला ब्याटिङ गरेको बंगलादेशले निर्धारित ओभरमा ७ विकेट गुमाएर १ सय १९ रन बनाएको थियो । बंगलादेशका लाग सोभना मोस्तरीले ३६ र साथी रानीले २९ रन बनाएकी थिइन् ।
सस्किया होर्लेले बंगलादेशी तीन ब्याटरलाई पवेलियनको बाटो देखाइन् ।
प्रतिक्रिया